Apertura do prazo de inscrición para o Campus de Fútbol AFAC Semana Santa 2014

A Asociación de Fútbol Afeccionado da Coruña (AFAC) organiza os días 14, 15 e 16 de abril de 2014 o Campus de Fútbol AFAC “Semana Santa 2014”. O campus terá lugar na Cidade Deportiva da Torre en horario de 10.00 horas a 14.00 horas e está aberto a nenos e nenas de idades de 5 a 13 anos. A AFAC oferta 150 prazas, dentro das cales se creará un grupo específico para porteiros. O prazo de inscrición comeza hoxe, día 12 de marzo, e estará aberto até cubrir as prazas. O custo do campus será de 30 €uros sen transporte ou de 35 €uros con transporte. Todos os interesados poden descargar o boletín de inscrición na web da asociación (www.afacoruna.com) ou informarse no teléfono 981 27 26 56 de 10.00 a 14.00 horas.