Agigu CCA presenta a campaña do día do Pai

A Asociación de Empresarios da Guarda presentou durante a xornada de onte, no seu local situado na c/ Agustín Nandín Lomba nº4, a Campaña de Dinamización Comercial  “19 de Marzo día do Pai!!”.

ACIGU C.C.A. continúa pondo o seu empeño; tentando fomentar o consumo e as vendas nos establecementos locais do Centro Comercial Aberto

A través das campañas promocionais, prémiase a fidelidade dos clientes dos nosos comercios que seguen realizando as súas compras e consumen na nosa localidade.

Nesta nova campaña entregáronse, cartelaría publicitaria do evento e papeletas numeradas para o sorteo que se celebrará pasado o “día do pai”.

Entrega de premios da Campaña de San Valentín

A Asociación de empresarios da Guarda, ACIGU C.C.A., informa que o luns, día 3 de Marzo, tivo lugar o sorteo dos premios da Campaña de San Valentín na sede da mesma Entidade.

Os nosos asociados teñen a oportunidade de premiar a fidelidade dos seus clientes con motivo desta nova Campaña de promoción, con vales compra de  50 € e 30 € e 20 € para consumir en calquera establecemento e empresa asociada.

Os números premiados foron os seguintes:

77.623: 50 €
75.634: 30 €
78.725: 20 €