Aemos asina un convenio de colaboración con Novagalicia Banco

Sinatura do convenio

A Asociación de Empresarios de Mos (AEMOS) asinou un acordo de colaboración con Novagalicia Banco co obxectivo de buscar servizos e produtos vantaxosos para os seus asociados. Así, o presidente de AEMOS, José Mañas, e a directora de Zona Miñor-Baixomiño, Paola Latexes, materializaron o convenio coa firma do mesmo durante a celebración da pasada Xornada de Negocios que AEMOS celebrou no Tálaso Atlántico e contando tamén coa presenza de Silvia Valverde, directora da sucursal de Puxeiros-Mos, e Pablo Alonso, Tesoureiro de AEMOS.

Novagalicia Banco non dubidou en participar neste evento, como unha entidade máis, porque como afirmaba Latas “Novagalicia Banco está preparada e quere ser socio financeiro das pemes, así como ser o seu compañeiro de viaxe na súa saída ao mercado internacional”.

O convenio inclúe condicións vantaxosas para os socios de AEMOS na contratación de pólizas de crédito, préstamos persoais e hipotecarios, leasing mobiliario, avais, liñas de desconto comercial e servizos de banca electrónica. Así mesmo, Novagalicia Banco ofrecerá asesoramento personalizado sobre as pólizas de seguros que mellor se adapten aos solicitantes.

O convenio forma parte do plan de respaldo ao tecido económico e social galego de Novagalicia Banco, entidade que entre xaneiro e setembro destinou 3.187 millóns de euros a novos créditos a pemes de Galicia.