‘ABC de Costura’ na Escola de Familia de Verín

O Concello de Verín, a través da Escola de Familia Municipal, pon en marcha unha nova iniciativa social: ‘ABC de Costura’, que arranca este xoves 03 de abril no edificio municipal do antigo Lavadoiro (rúa Rosalía de Castro n.º 4).

Son moitas as persoas que pensan que coser é moi complicado, pero é normal pensar así se ninguén recibe as ensinanzas para iso. Por este motivo, as persoas que asistan a esta actividade poderán adquirir as nocións básicas para aplicar na vida diaria e realizar pequenas manualidades. Para iso contarase cunha profesional na arte da costura, Mónica Ferreira López, costureira e empresaria con máis dunha vintena de anos de experiencia neste sector, que a través do seu manexo dos fíos e teas converte un deseño nunha gran creación.

Este curso, con prazas limitadas, constará de 20 horas de formación práctica. O mesmo impartirase todos os xoves, de 16 a 18 horas. Máis información e inscricións na Escola de Familia Municipal ou nos Servizos Sociais do Concello de Verín (Casa dá Xuventude, Avenida de Portugal 11 bis, ou nos teléfonos 988-414776 //988-411468).