Á venda as entradas para o encontro do Rio Natura Monbus co Gipuzkoa Basket

As entradas para o partido que medirá ao Rio Natura Monbus ante o Gipuzkoa Basket o próximo 5 de abril (20.00 horas) no Multiusos Fontes do Sar, xa están á venda. Os donostiarras, situados na mesma zona da táboa que o Rio Natura Monbus virán dispostos a porllo difícil aos de Moncho Fernández, no que se prevé como un atractivo e igualado encontro.

O prezo para o público xeral é de 35 euros en Tribuna Retráctil, 29 euros en Tribuna 1, 25 euros en Tribuna 2 e 19 euros en calquera dos fondos do pavillón.

O club ofrece prezos reducidos para abonados e accionistas, mozos menores de 18 anos ou estudantes menores de 26, deportistas federados, parados de longa duración ou  persoas maiores de 65 anos. En todos estes casos, poderase requirir ao comprador no momento de acceso ao recinto a documentación que acredite devandito desconto.

Os billetes xa se poden adquirir de luns a venres en horario de 10.00 a 14.00 horas nas oficinas do club, localizadas no propio Multiusos. Tamén estarán á venda as 24 horas do día a través da páxina web do club (www.obradoirocab.com) ou na tenda oficial “Miudiño Store” (dentro do local Blusens de Área Central), en horario de 17.00 a 22.00 horas de mércores a sábado.