A Universidade da Coruña mostra o seu “pesar” pola morte de Adolfo Suárez, doutor honoris causa da UDC

O reitor da Universidade da Coruña (UDC), Xosé Luís Armesto, mostrou, en nome de toda a comunidade universitaria, o seu “pesar” ante o falecemento do expresidente do Goberno, Adolfo Suárez, doutor honoris causa pola UDC en 1997, segundo sinala nun comunicado.

Suárez foi investido doutor honoris causa da universidade coruñesa o 2 de decembro de 1997, sendo entón reitor José Luis Meilán Gil. A comisión de investigación do claustro valorou a concesión do máximo grao universitario polos seus “extraordinarios méritos”.

En concreto, valorou a súa actividade de político e “responsable, a través da súa actuación, da reinstauración do sistema democrático en España” e como “firme defensor dos valores da liberdade, a tolerancia e a convivencia pacífica”, sinala o reitorado nun comunicado.