A policía local do Carballiño recupera un coche roubado en Vilagarcía

O pasado xoves 6 de marzo, axentes da policía local do Carballiño recuperaron un vehículo que fora subtraído ao seu propietario o día 1 de marzo, na localidade de Vilagarcía.

A policía local carballiñesa comprobaron  como un vehículo, un Fiat branco matrícula PO-3946-AI, levaba varios días aparcado na estrada de Astureses, sen moverse. Comprobando a matrícula descubriron que era un coche roubado en Vilagarcía, o pasado fin de semana.

Tras comprobar os datos os axentes puxeron en coñecemento os feitos da garda civil para que informase á policía xudicial e comprobase que o vehículo non estaba incurso en ningún delito.