A Garda Civil detén a un veciño de Ponteareas como suposto autor de dous roubos nunha vivenda

A Garda Civil detivo a B.L.F., de 30 anos de idade e veciño de Ponteareas como suposto autor de dous delitos de roubos nunha mesma vivenda de devandita localidade, un deles en grao de tentativa.

Na noite do pasado día 25 de xaneiro, cando a propietaria da citada vivenda regresaba á súa case atopouse coa fechadura da porta de entrada forzada e as luces acesas, podendo observar como un individuo saía da mesma, decatándose de que o bolso, que tiña na habitación estaba aberto e do seu interior faltáballe un moedeiro  con diñeiro en metálico e chaves.

Sobre as 01:45 horas de onte, día 6, cando se atopaba durmindo escoitou como alguén estaba a golpear a súa porta de entrada, polo que se levantou e subiu a persiana próxima á mesma, vendo como un individuo axudado por un martelo e  un desaparafusador trataba de abrila para  entrar no domicilio, o cal, ao darse conta da presenza da moradora, saíu fuxindo deixando atrás o desaparafusador.

Unha vez postos estes feitos en coñecemento da Garda Civil do Posto Principal de Ponteareas, iniciáronse as correspondentes investigacións que deron lugar á detención do suposto autor dos dous ilícitos denunciados.

O detido, en unión das dilixencias instruídas, será posto a disposición do Xulgado de Instrución número TRES dos de Ponteareas.