A Fundación Gonzalo López Abente convoca a segunda edición do seu certame de poesía en galego
A Fundación Gonzalo López Abente en colaboración coa Secretaría Xeral de Cultura da Consellería de Cultura, Educación e Ordenación Universitaria da Xunta de Galicia, convoca o II Premio de Poesía Gonzalo López Abente, en lingua galega.
A Fundación Gonzalo López Abente quere con este premio de poesía contribuír a dar difusión ao nome do autor muxián, ademais de contribuir á produción de obra poética en lingua galega. Con este fin asinará senllos convenios coa Consellería de Cultura–para o cofinanciamento do premio- e con Edicións Xerais de Galicia- para a publicación da obra gañadora.