A Deputación da Coruña mellorará a iluminación pública en Mañón cun investimento de 88.000 euros
A Deputación da Coruña deu luz verde no pleno da sesión celebrada o pasado venres á sinatura dun convenio co Concello de Mañón que permitirá financiar as obras para a mellora da iluminación pública en varios puntos do municipio, así como para a iluminación das pistas de pádel.
A achega provincial que se inclúe no texto é de 87.995,49 euros, o que supón o 80% do investimento total necesario para levar a cabo as actuacións e que alcanza os 109.994,36 euros.
As actuacións incluídas neste acordo comprenden a substitución de 26 luminarias en Mogor e na zona da piscina; o cambio de 13 luminarias na estrada que vai ao centro escolar e no camiño anexo ao centro escolar ata a estrada de Bares. Ademais, substituiranse 15 puntos de luz na rúa Rafael Campillo Gómez; 33 nas rúas Federico Maciñeira e Alfredo Dovale, ata o porto do Barqueiro; 38 en Ribeiras do Sor; 30 en pontes de ribeiras; 24 na Igrexa de Grañas; 20 en Carrodeguas; e 35 no Porto do Barqueiro.
Ademais, grazas a este convenio poderanse iluminar as pistas de pádel coa instalación de 8 proxectores de 400 watts.