A brigada de obras de Vila de Cruces comeza as labores de mantemento en edificios públicos e instalacións municipais

Mantemento de edificios municipais

No día de hoxe, e logo de que a auga e o vento parecen dar unha tregua nos vindeiros días, a brigada de vías e obras dirixida polo edil Andrés Lareu López comeza a realizar labores de mantemento en instalacións municipais e zonas verdes.

No día de hoxe, comezaron os traballos de limpeza en edificios e instalacións municipais procedendo á limpeza dos caneiros de auga nos teitos da edificación do pavillón, así como a poda das árbores e setos existentes no entorno do pavillón e da residencia municipal de maiores.

En vindeiros días, está previsto, se o tempo o permite, realizar a limpeza dos caneiros nos colexios públicos existentes no municipio, dos que o Concello leva o mantemento, así como continuar coa limpeza e mantemento das zonas verdes e áreas recreativas existentes no termo municipal.