A bandeira “Q de calidade” xa ondea no porto deportivo de Cangas

Izado da bandeira

O Club Náutico Rodeira loce desde esta mañá o distintivo de “Q de calidade” que premia a súa calidade, profesionalidade e seguridade coa finalidade de asegurar aos seus usuarios a mellor experiencia turística posible.

O izado da bandeira estivo presidido pola Secretaria Xeral para o Turismo Nava Castro, o alcalde de Cangas José Enrique Sotelo, a concelleira de Turismo Berta Pérez e o presidente do Club Náutico Rodeira Humberto Ferral.

O distintivo “Q de Calidade” aporta aos establecementos turísticos que a ostentan prestixio, diferenciación, fiabilidade, rigorosidade, e promoción por parte da Secretaría de Estado de Turismo e as Comunidades Autónomas.

Nava Castro destacou que Galicia pode presumir de ser a segunda Comunidade Autónoma cun maior número destas denominacións, cun total de 289, tan so por detrás de Andalucía. 

Sotelo declarou que é unha satisfacción para Cangas contar cun club con este distintivo porque “moi poucos clubs deportivos poden presumir de estar tan ben integrados co entorno coma o Club Náutico Rodeira” e salientou a importante labor que esta entidade deportiva está a realizar, despois de todos os problemas sufridos, tanto  en vela coma en piragüismo.

O director do club aproveitou para declarar que seguirán traballando para mellorar as instalacións, os servizos aos usuarios e transeúntes e potenciar o turismo estranxeiro, que cada vez é maior no porto deportivo, beneficiando tamén ao resto do pobo, fundamentalmente ao sector hostaleiro. “Por iso apostamos por obter este distintivo” afirmou.