800 padexeiros participan nas tres regatas da Federación Galega previstas para a fin de semana

Máis de oitocentos padexeiros terán actividade este fin de semana no tres regatas previstas no calendario da Federación Galega. A primeira competición de infantís, A e B, e alevíns A, a Copa Sipre de Kaiak de mar e a segunda proba da liga Galega de Slalom son as citas.

Ao once da mañá do sábado, máis de cincocentos padexeiros das categorías de infantís e alevíns están convocados en Verducido para as as modalidades de kaiak e canoa. Os infantís disputarán as súas probas sobre a distancia de 3.000 metros e os alevíns sobre 1.500. Estarán representados todos os clubs galegos.

O domingo será unha xornada de dobre actividade. En ambos os casos pola mañá. A liga Galega de slalom trasládase a Mondariz para vivir a súa segunda xornada. Será en Mondariz Balneario, un escenario xa tradicional para este tipo de regatas. Realizaranse ao redor de cen saídas e ademais contará coa presenza de deportistas de Portugal.

E tamén o domingo, desde as 11.30 horas, Cambados será o escenario da segunda proba da Copa Sipre de kaiak de mar. A participación superará os 200 padexeiros, unha cifra que se pode considerar histórica, xa que nunca antes alcanzouse nunha competición destas características. Ademais, ás 12.30 horas realizarase a regata popular, unha iniciativa que pretende achegar o piragüismo a todos os afeccionados de forma práctica.