Vigilancia Aduanera solicita na Concellaría de Medio Ambiente de Ourense expedientes dun concurso público

Axentes de Vigilancia Aduanera e unha secretaria xudicial compareceron sobre as 9.30 horas deste martes na Concellaría de Medio Ambiente de Ourense, onde notificaron a dous dos técnicos a apertura dunha investigación por parte dun xulgado de Vigo, que solicita expedientes relacionados cun concurso público para o coidado e conservación de zonas verdes na cidade.

Fontes municipais confirmaron que os técnicos acompañan neste momento aos axentes noutras dependencias onde se atopa a documentación relacionada con eses expedientes.

No seu momento, o concurso do coidado de zonas verdes adxudicárase á empresa Cespa, pero foi recorrido pola súa inmediata seguidora, polo que a concesión definitiva do servizo está paralizada dende hai meses. A Concellaría de Medio Ambiente de Ourense está dirixida pola socialista Susana Bayo.