Un veciño de Pontevedra é cazado polo radar circulando a más de 160 km/h nun tramo limitado a 70

A Garda Civil imputoulle a G.M.P.,  de 31 anos de idade e veciño de Pontevedra, como suposto autor dun delito contra a seguridade viaria, por exceso de velocidade.

Ás 10:00 horas de onte, día 25, no punto quilométrico 103 da estrada N-550, termo municipal de Caldas de Reis, foi detectada polo radar do Destacamento da Garda Civil de Tráfico de Pontevedra a circulación, sentido A Coruña, do turismo marca PEUGEOT, modelo 406, á velocidade de 167 km/hora, estando limitada, en devandito punto por sinais verticais, a 70 km/hora, ao existir incorporación de vías secundarias e varias vivendas.

Por todo iso, compoñentes do Subsector de Tráfico da Garda Civil de Pontevedra, procederon á instrución das correspondentes dilixencias que levaron a imputación do condutor do vehículo por un delito contra a seguridade viaria.

O imputado deberá comparecer no Xulgado de Instrución número UNO de Caldas de Reis o próximo día 4 de marzo onde se celebrará un xuízo rápido.

No mesmo ámbito de actuacións, cabe sinalar que o pasado día 22 do actual, a Garda Civil de Tráfico de Pontevedra interceptou na travesía de Ribadumia ao condutor dun turismo marca SEAT, modelo LEÓN, circulando a 124 km/hora nun tramo limitado a 50 km/hora. Neste caso foi denunciando administrativamente cunha sanción de 600 euros e a perda de 6 puntos.