Un helicóptero trata de rescatar á tripulación dun barco con perigo de afundimento

O helicóptero ‘Pesca II’, dependente da Xunta de Galicia, trata de rescatar ao cinco tripulantes do barco con perigo de afundimento que se atopa a unhas 50 millas ao noroeste da Coruña.

Segundo informaron fontes de Salvamento Marítimo, sobre as 16,35 horas deste martes chegou á zona do buque ‘Esnaad 715’ o helicóptero para tentar sacar á tripulación.

Ás 15.05 horas deste martes, xornada na que hai alerta vermella no litoral galego por temporal, o barco ‘Esnaad 715’, de transporte de persoal ou equipos, emitiu un sinal de aviso.

Ao haber perigo de afundimento, segundo indicou Salvamento, foron mobilizados o helicóptero ‘Pesca II’ dependente da Xunta e o buque ‘Sar Gavia’ de Salvamento.