Terra Galega mostra a súa satisfacción de que despois de tres anos a estrada do Feal sexa unha “prioridade”

Vista a noticia aparecida  no día de onte nos medios de comunicación que recollían a reunión mantida entre o Partido Popular e a  A.VV de Piñeiros na que sacaban en conclusión que a Estrada do Feal é unha obra prioritaria, TERRA GALEGA quere puntualizar que xa en xuño de 2011, recen iniciada a lexislatura,  o Alcalde de Narón preocupóuse polo estado de tramitación e as inversións previstas para as infraestruturas viarias que a Deputación ten noso concello.

A resposta a este interés fíxose esperar  tanto, que  incluso o Alcalde tivo que recurrir, un ano despois, ao Valedor do Pobo para obter unha resposta. A este respecto a Diputación contestou que sobre a Estrada do Feal  non existe proxecto de ampliación.(acompañamos a resposta)

Na reunión mantida entre o Presidente da Deputación e o Alcalde de Narón, éste solicitáballe que, como mínimo, se encargara o proxecto de ampliación da estrada, debido a peligrosidade deste vial para a circulación dos peóns dada a proximidade ao Polígono das Lagoas.

Dende TERRA GALEGA  alegrámonos de que tres anos despois do inicio da lexislatura o concelleiro do PP de Narón e Deputado Provincial se decida a impulsar dito proxecto. Tamén lle recordamos que outras demandas pendentes de actuación son as beirarrúas da Estrada Miguel de Cervantes. Ambas obras  redundarán na mellora da seguridade vial, e polo tanto, da calidade de vida dos veciños de Narón.