Suspensión das actividades ao aire libre en Culleredo polo aviso de temporal
Ante o temporal que se prevé para mañá, martes 4 de febreiro, o Concello de Culleredo, anuncia a suspensión das actividades ao aire libre nas seguintes instalacións:
– Campo de fútbol de Rutis
– Campo de fútbol do Burgo
– Campo de fútbol de Tarrío
– Campo de fútbol 7 das Brañas
Ademais non se poderán realizar actividades nas polideportivas descubertas do municipio. Con esta medida, o Concello quere garantir a seguridade dos veciños dadas as malas condicións meteorolóxicas previstas.
Ademais, a Concellería de Seguridade Cidadá anuncia un dispositivo especial do servizo municipal de Protección Civil de Culleredo ante o mal tempo. Os efectivos estarán alerta para apoiar ante as incidencias que podan surxir.
A Concellería recomenda que os usuarios do paseo marítimo do Burgo, tanto paseantes como ciclistas, e demais zonas verdes, se absteñan de empregalo mañá para minimizar riscos.