Suspéndese en Narón o ‘Tapeo do entroido en bici’ a causa das previsións metereolóxicas

wdfb_og_images: a:1:{i:0;s:0:"";}
wdfb_og_custom_name: a:1:{i:0;s:0:"";}
wdfb_og_custom_value: a:1:{i:0;s:0:"";}

PUBLICADO EN: Noticias de Galicia ► Narón ▼

A-

A+

O Concello de Narón ven de suspender o ‘Tapeo do entroido en bici’ programado para o domingo 2 de marzo, a causa das previsións metereolóxicas que predicen chuvia para o fin de semana.

Esta actividade estaba previsto que se desenvolvese o domingo de 11 a 14 horas, con saída e chegada na rúa Cataluña (no entorno de Odeón). Os ciclistas tiñan que acudir á cita disfrazados, para participar nunha ruta ciclista polos locais de hostelería que participan no concurso de tapas do Entroido. A relación de establecementos adheridos a este programa, denominado Entroido Gastronómico, pode consultarse na web do Concello (www.naron.es – banner Narón Gastronómico).

Sí se mantén o Festival de Comparsas, que terá lugar mañá sábado día 1 de marzo, no Pazo da Cultura de Narón, a partires das 18:00 horas. A relación de comparsas participantes é a seguinte:

-Os Argalleiros (A Gándara)

-Tróupele Tróupele (A Gándara)

-Os Parrandolos (Piñeiros)

-Os Nenos de Lola (Virxe do Mar)

-Os Colludos (Asociación Sociocultural de Minusválidos)

-A Canteira (Neda)

-A Revolta (Ferrol)

-Os Xunquiños (Fene)

-Río Belelle (Neda)