Rey Varela preside a entrega de premios do VII certame literario do IES Ferrol Vello

O alcalde de Ferrol, Jose Manuel Rey Varela, participou esta mañá na entrega de premios do VII Certame Literario do IES Ferrol Vello. O concurso galardoou aos mellores escritores entres os escolares do centro educativo en lingua galega, castelá, inglesa e francesa. Os estudantes podían optar aos premios en tres categorías diferentes dependendo do nivel académico que estiveran a cursar.

O rexedor municipal manifestou a súa satisfacción por asistir á entrega de premios no IES Ferrol Vello. Rey Varela sinalou a importancia da actividade que diariamente desenvolve a comunidade escolar da cidade no que atinxe á aportación de formación  e coñecemento, así como no eido dos valores. Ademais, o primeiro edil da cidade díxolle ao alumnado que a etapa educativa “é unha das mellores da vida”.