Pontevedra mantén activado o dispositivo de emerxencia polos próximos temporais

O Concello de Pontevedra mantén activado todo o dispositivo de emerxencia ante as previsións de alerta por adverso meteorolóxico prognosticadas para os vindeiros días. Bombeiros, Policía Local, Protección Civil, as empresas concesionarias (Viaqua e Cespa), os servizos técnicos así como empresas colaboradoras co concello que dispoñen de maquinaria pesada están en alerta e advertidos para as vindeiras horas cando está prevista a entrada dun novo frente polas costas galegas. A Concellaría de Protección Cidadá, que xestiona Carme da Silva, volve a reiterar as recomendacións realizadas a primeiros de semana de reducir os desprazamentos en vehículo aos estrictamente necesarios, e prega a máxima precaución aos peóns, nos momentos nos que os temporais sexan máis fortes.