Pasan a disposición xudicial os oito detidos na “Operación Soplete” por roubos con forza

Detencións no marco da “Operación Soplete”. Foto: Garda Civil

As oito persoas detidas pola Guardia Civil no marco da denominada ‘Operación Soplete’ como presuntas autoras de delitos de roubo con forza pasan este xoves a disposición xudicial.

Segundo informaron fontes da investigación, está previsto que os detidos nesta operación, que continúa aberta, pasen a partir das 10,20 horas a disposición xudicial no Xulgado de Instrución número 1 de Ourense.

No operativo foron detidos E.M.M., de 40 anos de idade; E.M.G., de 26; N.M.J., de 29; J.G.G, de 29; M.M.B., de 20 e J.B.C, tamén de 20 — todos eles con domicilio en A Cabeanca (Ourense)– e E.G.R. e J.G.G, veciños das Campaíñas, en Xinzo de Limia.

A ‘Operación Soplete’ iniciouse o mes de maio de 2013, segundo explicou a Guardia Civil, tras unha denuncia presentada por roubo nas obras do AVE en Ponte Ambía, en Taboadela, onde, tras forzar un enreixado, se apoderaron de 100 metros de cable de cobre.

PRIMEIRA FASE

Tras esa denuncia púxose en marcha un operativo que na súa primeira fase de explotación se saldou con oito persoas detidas, 76 roubos esclarecidos e grande cantidade de material incautado. Na grande maioría dos roubos apoderábanse de cable de cobre e maquinaria.

A Benemérita destaca que os detidos estaban perfectamente organizados, facían vixilancias, tomaban varias medidas de seguridade e realizaban os seus desprazamentos por vías secundarias, principalmente en horario nocturno. Cos efectos subtraídos acudían aos seus domicilios e alí preparaban o cobre, queimando as cubertas, para a súa posterior venda.

Entre os roubos que se lle imputan destacan os labores á empresa de cárnicas de Bouzas, en obras do AVE, a unha nave de construción do polígono de San Cibrao, unha vivenda do Lago Maside, unha granxa do Carballiño e outros nas localidades de Soutomaior, Vilamarín, Luintra, A Peroxa, Maceda, Maside e Baños de Molgas.