Os xogadores do Santiago Futsal, Diego Quintela e Hugo, visitan o Colexio Divino Mestre

Visita dos xogadores ao centro educativo

Os xogadores do Santiago Futsal Diego Quintela e Hugo Sánchez, visitaron esta mañá despois do adestramento, o Colexio Divino Mestre, onde charlaron cos alumnos e alumnas de Primaria e Secundaria.

Ambos os xogadores encargáronse de explicar aos alumnos como traballan no Santiago Futsal e como é o día a día de adestramentos e partidos. Os alumnos e alumnas do centro preguntaron aos xogadores acerca de como chegaron a converterse en xogadores profesionais, etc. Ademais, Hugo foi estudante do Colexio Divino Mestre en Lugo, polo que serviu de exemplo para os alumnos, aos que resaltou a importancia de seguir estudando. Diego Quintela relatou a súa experiencia coa Selección Española e como comezou no club no equipo xuvenil.

Ao finalizar a charla, os xogadores convidaron os alumnos e alumnas ao próximo partido do Santiago Futsal en casa, que será este venres 14 ás 21h ante Montesinos Jumilla desde o Multiusos Fontes do Sar.