Os supostos autores de varios roubos en vivendas habitadas de Cangas foron detidos pola Garda Civil

A Garda Civil detivo a S.M.C., de 23 anos de idade e a AF.M.G. , de 20, ambos con domicilio en Madrid e de nacionalidade portuguesa e colombiana, respectivamente, como supostos autores de varios roubos con forza en interior de vivendas.

Investigacións levadas a cabo polo Equipo de Policía Xudicial da Garda Civil de Cangas, permitiron o esclarecemento de, polo menos, tres roubos realizados en casas habitadas do municipio de Cangas desde decembro do pasado ano até finais do mes de xaneiro do ano en curso, onde se apoderaban de diñeiro en metálico e xoias.

Para o seu acceso ás vivendas forzaban a xanela da planta baixa da casa forzándoa cun desaparafusador ou aproveitaban a terraza que fose de fácil acceso.

Os detidos, que contan con antecedentes policiais, foron postos a disposición do Xulgado de Instrución número UNO dos de Cangas quen decretou a súa liberdade con cargos.