As áreas de cultura e seguridade de Cangas reúnense para determinar o dispositivo de seguridade para o Entroido do Hío

Este mércores o concelleiro de Cultura José Luís Gestido e a concelleira de Seguridade María Luísa Prieto mantiveron unha xuntanza con responsables das forzase corpos de seguridade (Sargento da Policia Local e Responsable de Protección Civil) e representantes dos lugares de Vilanova, Pinténs, Igrexario, Vilariño, Liméns, Nerga, e Donón, participantes na ‘Festa do Entroido de Hío’, co obxectivo de coordinar os traballos para planificar o dispositivo de seguridade que se porá en marchas durante os días que se celebren as festas. O Concello quere estudar posibles melloras nos cambios e desvíos do tráfico de acceso a parroquia respecto a anterior edición, así como algún cambio do percorrido concretamente o luns, en resposta as demandas achegadas polos veciños da zona. Dende o goberno local sinálase que este ano vaise a ver reforzada a seguridade para que estas discorran sen incidentes, con mais presencia da Policia Local e da Guardia Civil ademais de poñer en marcha un dispositivo especial para protexer o cruceiro de Hío.

Todolos presentes na xuntanza acordaron volver a reunirse o día 26 de febreiro para pechar os últimos detalles do dispositivo, que se fará público mediante nota de prensa para o coñecemento de todos os veciños e veciñas.