Obra Social ”La Caixa” fomenta nas empresas de Ourense a contratación de persoas en risco de exclusión

O Grupo Incorpora Galicia e a Confederación Empresarial de Ourense (CEO) organizaron hoxe unha xornada para presentar ao empresariado o programa Incorpora da Obra Social ”La Caixa”, dirixido a facilitar o acceso ao emprego a persoas desfavorecidas. Ao acto asistiron o director de área de negocio de ”La Caixa” en Ourense, Fernando Garza; o coordinador de Incorpora en Galicia, Carlos Rosón, o presidente da CEO, José Manuel Pérez, e Carlos Ferro, especialista en responsabilidade social corporativa da Universidade de Vigo.

Durante a xornada, que leva por título Da realidade aos feitos, destacáronse diferentes iniciativas ourensás desenvolvidas no marco de Incorpora, como as impulsadas por Café bar O graduado E Barbarías Cachaldora. O acto tamén contou co relatorio dun experto en integración laboral e responsabilidade social empresarial. Nesta liña, o programa Incorpora da Obra Social ”La Caixa” pon a disposición do empresariado ourensán unha ferramenta para introducir na empresa acciones de responsabilidade social corporativa a través da contratación de persoas en situación ou risco de exclusión social: persoas con discapacidade, parados de longa duración, mozas en situación de vulnerabilidade e mulleres vítimas de violencia de xénero, entre outros colectivos.

En Ourense, Incorpora facilitou 131 postos de traballo a persoas en risco de exclusión ao longo de 2013. Isto foi posible grazas á implicación de 73 empresas ourensás neste proxecto de responsabilidade social corporativa e á colaboración de cinco entidades sociais (Apes, Cruz Vermella Ourense, Cogami, Feafes Galicia e IGAXES3), que son sonas as encargadas de desenvolver Incorpora na provincia.