O Xuvenil do Azkar Lugo proclámase campión de liga

O Azkar Lugo xuvenil proclamouse onte domingo campión da Liga Nacional no seu grupo galego. Os lucenses, tras realizar unha boa liga, fixéronse co título na última xornada á que chegaban dependendo de si mesmos. Os lucenses non fallaron ante o O Esteo (5-2) e puideron cantar o ¡campións, campións! ao término do choque sen mirar ao resto de resultados. Os lucenses conseguen por cuarta vez o título desde a creación desta liga na tempada 2002/2003, das cales tres foron de forma consecutiva nos últimos tres anos.

Finalmente o título de liga os pronistas adxudicáronllo polo súa mellor golaveraxe particular con respecto ao Santiago Futsal xa que lucenses e santiagueses acabaron empatando a puntos na táboa (36). Terceiro foi o Burela que finalizou a liga con 33 puntos.

No choque ante o O Esteo os lucenses non xogaron o seu partido máis brillante pero si fixérono práctico e sen permitir que o seu rival puidese poñer en dúbida a vitoria final. Co 2-1 no segundo periodo, os azuis demostraron o porqué do seu primeiro posto na táboa e finalmente adxudicáronse cun marcador amplo o choque para poder proclamarse campións de liga.

Ficha técnica:
Azkar Lugo 5: Alexandre, Koke, Porto, Asier e Álvaro, -cinco inicial-, Areñas, Pablo, Álex, Brais, Simao e Rubén Muñiz.
O Esteo 2: Sergio, Adrián, Diego, Pablo e Daniel, -cinco inicial-, Diego Díaz, Daniel García, Pedro e Kevin.
Árbitros: Darriba Villamor e López Efrén (Lugo).  Incidencias: 14ª xornada da liga nacional xuvenil. Palacio Municipal dos Deportes de Lugo.
Goles: 1-0 min. 8 Álex, 2-0 min. 9 Asier, 2-1 min. 30 Pablo, 3-1 min. 33 Asier, 4-1 min. 34 Porto, 5-1 min. 35 Asier e 5-2 min. 39 Daniel García.