O xerente do Igape visitará Cangas para falar dos recursos destinados a emprendedores

O vindeiro luns día 10 de marzo Guillermo Viña, Xerente de IGAPE Nova visitará o concello de Cangas para dar unha charla na que explicará as axudas e recursos do IGAPE destinados a emprendedores e emprendedoras.

O acto, que se enmarca dentro da programación da “Aula do Emprendedor” para o mes de marzo, celebrarase na Casa de Oficios Lorenzo Corvacho entre as 18:00 e as 19:30 horas.

A entrada é libre e gratuíta, pero  por motivos de aforo, esíxese  pre-inscripción previa, antes do mércores 5 de marzo, nas oficinas da Axencia de Desenvolvemento Local do Concello de Cangas, ou ben por teléfono no 986 301 371, ou por mail no enderezo dlocal@cangas.org.

Con este tipo de actividades a concellería de Emprego do Concello de Cangas continúa apostando polo asesoramento aos emprendedores para que estes poidan facer dos seus proxectos unha realidade.