O Santiago Futsal continúa cos adestramentos durante a súa semana de descanso

O persoal do Santiago Futsal volveu esta mañá aos adestramentos tras lograr o pasado venres o seu tres primeiros puntos deste 2014 ante Montesinos Jumilla, e sumar así 29 puntos que o manteñen na sexta praza a 2 de Magna Navarra que é quinto e empatado a puntos con Burela, mentres que lle quita cinco puntos ao noveno clasificado, o propio Montesinos Jumilla.

Esta próxima xornada será de descanso para o Santiago Futsal, pero continuarán os adestramentos do persoal até o xoves, tendo desde o venres descanso e retomando os adestramentos o vindeiro luns 24 para preparar o seu seguinte compromiso ligueiro ante Colexios Areas Gran Canaria o venres 28 de febreiro. Coa vantaxe sobre Montesinos Jumilla, o Santiago Futsal garante concluír a xornada entre o oito primeiros a pesar de non xogar, independentemente dos resultados dos seus rivais.

Cabe destacar desta última xornada que o gol de Quintela que supuxo o empate a dous, foi elixido pola LNFS entre o cinco mellores goles da xornada.

No plano médico, Raúl adestra co grupo tras recibir 4 puntos na cella pola brecha provocada durante o partido ante Montesinos Jumilla tras o seu choque con Ique. Ademais, Santi comezou esta mañá a adestrar co grupo, polo que os 14 xogadores están xa dispoñibles para Santi Valladares.

Plan de traballo da semana

Luns 17 de Febreiro:
9,30h – Multiusos Fontes do Sar – Preventivo +Táctico

16,45h – Multiusos Fontes do Sar – Táctico

Martes 18 de Febreiro:
17h – Multiusos Fontes do Sar – Táctico

Mércores 19 de Febreiro:
9,30h – Multiusos Fontes do Sar – Forza velocidade + Velocidade Desprazamento + Porteiros

17h  – Multiusos Fontes do Sar – Táctico

Xoves 20 de Febreiro:

9,30h – Multiusos Fontes do Sar – Táctico

17h – Multiusos Fontes do Sar – Táctico

Venres 21 de Febreiro:

Descanso

Sábado 22 de Febreiro:

Descanso

Domingo 23 de Febreiro:

Descanso