O Plan RUA realizará actuacións en máis de 58.000 metros cadrados do barrio de Monte Alto

O Concello da Coruña informa de que desde hoxe xoves, 13 de febreiro, e até o próximo 20 de febreiro, o Plan RUA realizará unha actuación integral no barrio de Monte Alto, en concreto na contorna das rúas da Torre e Orillamar. Así, durante o próximos sete días esta iniciativa actuará nunhas 45 rúas e prazas da zona, o que supón unha superficie de 58.800 metros cadrados.

Realizaranse distintas actuacións como limpeza e aseo de calzadas, rúas e prazas, colectores e rede de sumidoiros; mantemento de zonas verdes; ou reparación de distintas incidencias. Participarán un total de 30 servizos municipais para conseguir espazos máis limpos, sustentables e ordenados coa colaboración dos veciños. En concreto realizaranse os seguintes traballos:

– Baldeo de beirarrúas, calzadas e prazas.
– Limpeza e mantemento de mobiliario urbano.
– Reposición de 3 colectores.
– Reposición de 2 papeleiras.
– Limpeza duns 2.400 metros lineais da rede de rede de sumidoiros da zona. Limpeza e mantemento duns 130 pozos da rede de rede de sumidoiros e de 140 sumidoiros.
– Colocación de 490 cebos (desratización) en 220 arquetas de rede de sumidoiros.
– Mantemento de zonas verdes.
– 55 actuacións de iluminación pública.
– Mantemento de 1 marquesiña e 5 indicadores de dirección.
– Pintado de 4 pasos de peóns.
– Limpeza e mantemento de semáforos.
– Inspección de vehículos abandonados.
– Presenza do punto limpo móbil.

O Plan RUA aproveita esta iniciativa, que durante a súa actuación deixa as rúas baleiras de coches, para realizar un especial esforzo na detección de vehículos abandonados. Por este motivo, o Concello fai un chamamento aos cidadáns para que colaboren e para iso danse facilidades aos propietarios que queiran cursar a baixa dun vehículo. Neste sentido, a empresa concesionaria encargada da retirada de vehículos e do seu tratamento como residuo, abonará ao propietario 50 euros e realizará todas as xestións de tráfico necesarias, tras concertar unha cita previa chamando ao teléfono gratuíto 900 70 11 57, en horario de 9.30 a 13.30 horas e de 15.30 a 19.30 horas. Durante a última actuación do Plan RUA en Elviña 2ª Fase, os operarios detectaron un total de 9 vehículos abandonados.