O goberno de Ferrol adxudica a xestión de vertedoiros incontrolados do termo municipal

O Goberno Municipal de Ferrol, que preside Jose Manuel Rey Varela, aprobou hoxe a adxudicación da contratación da xestión de vertedoiros incontrolados. Así, a Xunta de Goberno Local, celebrada esta mañá, acordou que sexa a empresa “Reciclaje de Inertes del Noroeste, S.L. (RECINOR)” a que se ocupe deste servizo. A empresa adxudicataria xestionará os vertedoiros incontrolados por un prezo unitario total de 105,93 euros por tonelada (incluído o 10% de IVE). O Concello de Ferrol destinará un orzamento máximo anual de 10.000 euros (IVE incluído) para este servizo de control de vertedoiros ilegais.

Noutra orde de cousas, a Xunta de Goberno Local tamén deu luz verde á prórroga do contrato correspondente ao Servizo de xestión da Aula de Ecoloxía Urbana, adxudicado á empresa “Seas, S.L. Servicios Medioambientales”. Así, o Executivo local aprobou a ampliación do contrato por un período de seis meses e un importe total de 19.844 euros (incluído o 21% de IVE).