O Circo da Maxia presenta en Mos o Musical dos Contos

O Circo da Maxia, por iniciativa privada, presentará o vindeiro domingo o Musical dos Contos, consistente nun espectáculo infantil musical con paiasos, cancións, bonecos, bailes, e a participación dos nenos e nenas asistentes.

A función celebrarase este domingo, día 9 de fereiro, no Multiusos das Pozas de Mos, ás 17:30 horas. As entradas terán un prezo único de 6 euros, e poranse á venda a partir das 16:30 horas no propio Multiusos.

Entre os contos que serán representados atópase o Rei León, A Sereíña, Aladino, A Bela e a Bestia e Os Pitufos, todos eles interpretados por actores profesionais da animación e o entretemento, especialistas en sacarlle un sorriso a todo o mundo.