O Carballiño comeza o Club de Debate

Participantes no Club de Debate

Os alumnos dos institutos do Carballiño iniciaron este martes a súa participación no club de debate, no que están inscritos, ademais dos 20 carballiñeses, 158 alumnos de toda Galicia, procedentes de 16 centros escolares. Os alumnos carballiñeses pertencen aos dous institutos da vila.

A edil de Educación e Normalización Lingüística Pilar Caride, recibiu xunto ao tenente alcalde Martín Nogueira, aos alumnos que representarán ao Carballiño, e que asistiron ao curso impartido pola empresa Tagen Ata, no que se lles deron nocións de como enfocar os seus debates.

Os alumnos do Carballiño debaterán sobre o tema “Independencia para Galicia?”, para o que se están documentando desde hai semanas.