Novos cursos en Cee para preparar as probas do Celga
A Secretaría Xeral de Política Lingüística anuncia a próxima realización de cursos de lingua galega preparatorios para as probas dos niveis Celga 1, Celga 2, Celga 3 e Celga 4.
Para que o curso sexa concedido debe haber preinscritas un mínimo de 20 persoas e terá lugar durante os meses de abril e maio.
Aquelas persoas maiores de 16 anos interesadas deben preinscribirse no Servizo de Normalización Lingüística do Concello de Cee ou no teléfono 981745100 antes do 21 de febreiro deste ano.