Neda acolle a presentación do libro “El ferrocarril Betanzos-Ferrol”

A Casa das Palmeiras acollerá mañá mércores a presentación do libro “El Ferrocarril Betanzos-Ferrol: Centenario del primer Ferrocarril construido por el Estado”, de Manuel S. del Río Rey. Un acto que, promovido pola Asociación Ferrolterra Amigos do Ferrocarril e a Concellería de Cultura, dará comezo ás 20 horas con entrada libre. No mesmo participarán a concelleira de Cultura, Eva Olmo; o profesor Eduardo Fra Molinero e o propio autor da publicación. O público asistente poderá desfrutar, amáis da conferencia, da proxección do álbum fotográfico “Las estaciones, los trenes y su gente”.