Monforte abre o prazo para anotarse nos cursos gratuítos do CELGA

O concello de Monforte de Lemos abre o prazo de preinscrición para solicitar a participación en cursos gratuítos de lingua galega preparatorios para as probas dos certificados CELGA 1, 2, 3 e 4.

Estes cursos son voluntarios e gratuítos. As persoas interesadas en participar neles poden recibir máis información e realizar a preinscrición dos seguintes modos:

-Presencialmente, na Casa do Concello de Monforte de Lemos  (Campo de Santo Antonio, s/n) no primeiro andar (Mesa de Información).

-Telefonicamente, chamando aos teléfonos 982402501 (mañás de luns a venres) ou 698181696 (de luns a venres).

-Mediante correo electrónico, ao enderezo xmartinez@concellodemonforte.com

Deberán indicar no momento de realizar a preinscrición os seguintes datos: apelidos e nome, número do DNI ou do pasaporte, teléfono ou teléfonos de contacto e correo electrónico se o posúen.

O prazo para a preinscrición remata o 23 de febreiro.

A realización dos cursos está condicionada á concesión da organización e homologación pola Secretaría Xeral de Política Lingüística da Xunta de Galicia.

Os títulos CELGA son esixidos para acreditar o coñecemento do idioma galego en diferentes niveis e teñen como utilidade, entre outras, o acceso a certa formación pública subvencionada ou proporcionar puntuación en oposicións convocadas en Galicia.

O Concello anima ós veciños e ás veciñas a anotarse, xa que é preciso acadar un número mínimo de alumnos/as para poder celebrar os cursos na localidade.