Kaspars Berzins: “Nunca xoguei nun pavillón así”

A á-pivote do Rio Natura Monbus, Kaspars Berzins, asegurou esta mañá na súa presentación ante os medios nas instalacións da clínica Vitaldent en Santiago, Membro do Club de Empresas Obradoiro, que está encantado con “o xogo do equipo e a idea do adestrador”.

A última fichaxe do conxunto compostelán, que estivo acompañado polo director xeral do club, Jose Luís Mateo, xunto con Domingo Sampedro e Daniel Catoira da clínica odontologica,  debutou este fin de semana no Fontes do Sar ante o Fiatc Joventut, despois de pouco máis dunha semana na capital galega. “Cada día estou a gozar máis e aprendendo as cousas. Podo axudar ao equipo debaixo do aro e desde fóra. Gústame o xogo deste equipo, a idea do adestrador enténdoa moi ben. Só necesito un pouco de tempo para aprender e ter a miña cabeza clara”, explicou.

Kaspars deixou claro que o seu obxectivo con esta fichaxe é xogar a un baloncesto bo, de calidade, pois cre que “a liga Española é unha liga onde se xoga un baloncesto moi bo”. Sabe que todo depende de si mesmo, polo que ten que xogar ben e esforzarse ao máximo, pois recoñece que a pesar de sentirse ben fisicamente, non está ao cento por cento despois de tanto tempo sen xogar. “O sábado quedáronme as mellores sensacións. Eu non lembro xogar nun pavillón así, onde a xente estea a cantar e facendo tanto ruído. É incrible”, argumentou.

Tamén se mostrou moi satisfeito cos seus novos compañeiros, que son “moi bos e despues dunha semana non teño nada malo que dicir. Son todos moi bos tíos e temos que traballar xuntos”.

Para concluír, Kaspars asegurou que “o baloncesto do meu adestrador gústame pero é complicado. Non é un xogo fácil. A idea é moi lóxica e gústame estar nun equipo que xoga ao baloncesto que eles xogan, pero o que máis me gusta é a idea de que nunca paramos, esteamos arriba ou abaixo”.

Pola súa banda, o director xeral do Rio Natura Monbus, José Luís Mateo, antes de falar en relación á contratación do xogador letón tivo unhas palabras de agradecemento para a propia clínica Vitaldent. “Grazas a Vitaldentet, que se incorporaron este ano ao Club de Empresas Obradoiro e que xa está a comprobar os beneficios de asociar a súa imaxe á do club. Nós tamén estamos moi identificados coa compañía, á que sentimos preto e coa que desexemos estender o acordo en importancia e, sobre todo, no tempo”.

Mateo a continuación desvelou en relación á demora no acto, que se debe a que o club non dispuña de toda a documentación despois de tomar a decisión de contratar ao xogador, que estaba desvinculado desde facía meses do VEF Riga. “Cando na Copa do Rei abríusenos a posibilidade de incorporar a Kaspars Berzins, estudamos profundamente a situación que envolvía este caso. A nosa experiencia e coñecemento das normativas dicíannos que ao deportista asistíalle a razón na desvinculación do seu anterior equipo e iso unido a que está representado por unha axencia importante, con xente preparada e que coñece estes procedementos e que tanto ACB como FEB ían defender a nosa postura, decidimos que si o xogador era do agrado do equipo técnico non iamos deixar de fichalo por estar envolto neste proceso, por moitas horas que tivésemos que dedicarlle. Seguidamente, o equipo técnico deu o seu OK á contratación, aceptando esta situación, o xogador expresounos as súas ganas de xogar no Rio Natura Monbus e o importante que era para el esta oportunidade, e hoxe estamos aquí dándolle oficialmente a benvida”, engadiu.

Para finalizar, “Kaspars é un xogador interior polivalente, que madurou respecto da súa primeira etapa en España e vén sumar e a complementar o xogo interior do equipo, en ataque e en defensa. Ten un bo físico, é grande e o seu lanzamento exterior pode ser unha ameaza, aínda que é capaz de facer outras cousas na pista”, declaro.

O xogador, unha á-pivote de 2,13 metros de altura e de 28 anos, procede do VEF Riga onde xogou o tres últimas tempadas. É internacional por Letonia en todas as categorías, foi campión de Europa Ou16 en 2001 e U20 en 2004 e 2005, e no pasado Mundial de Eslovenia promedió sete puntos e 4,7 rebotes coa súa selección. O seu palmarés tambien arroxa títulos como a FIBA Eurocup (2008) e a liga de Letonia (2008, 2011, 2012 e 2013).