Gran éxito da primeira viaxe da campaña de esquí da Deputación da Coruña na estación de San Isidro

Os nenos das comarcas de Ferroltera, Eume e Ortegal foron os primeiros en estrear a campaña de esquí que organiza a Deputación da Coruña en colaboración coa de León para que rapaces de entre 10 e 13 anos poidan gozar dun fin de semana de estadía na neve.

Na primeira quenda, desde o día 14 ata o 16, acudiron á estación de San Isidro máis de cen nenos e nenas procedentes dos concellos de Ares, Cabanas, A Capela, Cariño, Cedeira, Cerdido, Fene, Ferrol, Mañón, Moeche, Mugardos, Narón, Neda, Ortigueira, Pontedeume, As Pontes, San Sadurniño, As Somozas e Valdoviño.

A campaña organizada pola Deputación chegará a todas as localidades da provincia, xa que haberá outras catro quendas de viaxes. O venres 21 de febreiro tocaralle o turno aos empadroados no entorno da Costa da Morte e Arteixo, e xa o 3 de febreiro o das localidades próximas á Coruña. Para o 14 de marzo quedan os concellos da área de Santiago. Pecharán esta campaña 21 de marzo os nenos da Barbanza.

En total, está previsto que máis de 500 rapaces participen nesta iniciativa. A oferta inclúe os traslados en San Isidro, a estadía e a manutención, ademais das clases de esquí e o aluguer de material.   

O programa realízase a través dun convenio de colaboración coa Deputación de León, que, a cambio, poderá traer a douscentos nenos da provincia veciña a participar nos campamentos de verán que organiza a institución coruñesa no Centro Calvo Sotelo. O obxectivo desta iniciativa é fomentar que os pequenos poidan familiarizarse cos deportes da neve.

Calendario:

1ºQUENDA. Do 14/2 ao 16/2: Ares, Cabanas, A Capela, Cariño, Cedeira, Cerdido, Fene, Ferrol, Mañón, Moeche, Mugardos, Narón, Neda, Ortigueira, Pontedeume, As Pontes, San Sadurniño, As Somozas e Valdoviño.

2ª QUENDA. Do 21/2 ao 23/2: Arteixo, Cabana de Bergantiños, Camariñas, Carballo, Carnota, Cee, Cerceda, Corcubión, Coristanco, Culleredo, Dumbría, Fisterra, A Laracha, Laxe, Malpica, Mazaricos, Muro, Muxía, Ponteceso, Santa Comba, Vimianzo e Zas.

3ªQUENDA.  Do 7/3 ao 9/3: Abegondo, Bergondo, Betanzos, Cambre, Carral, A Coruña, Miño, Oleiros e Sada.

4ª QUENDA. Do 14/3 ao 16/3: Ames, Aranga, Arzúa, A Baña, Boimorto, Boqueixón, Oza-Cesuras, Coirós, Curtis, Frades, Irixoa, Melide, Mesía, Negreira, Ordes, Oroso, Paderne, O Pino, Santiso, Sobrado, Roques, Tordoia, Touro, Trazo, Val do Dubra, Vedra, Vilarmaior e Vilasantar.

5ª QUENDA. Do 21/3 ao 23/3: Boiro, Brión, Dodro, Lousame, Noia, Padrón, Outes, A Pobra, Porto do Son, Rianxo, Ribeira, Rois, Santiago de Compostela e Teo.