“Festa do entroido coas Pamisuky” para os máis cativos de Mos

Con motivo da chegada das celebracións do Entroido, tan esperadas especialmente polos máis pequenos da casa, a concellería de Educación e Participación Cidadá que dirixe a edil Kely Monzón organiza a “Festa do Entroido coas Pamisuky”, actividade enmarcada dentro do programa “Ocio en Familia”.

O obxectivo desta actividade, adicada ao tempo de lecer, é a de incentivar a interactividade e o contacto entre os máis pequenos do Concello así como das súas famillias nestas festividades.

Somerxendo ós máis cativos no mundo do Entroido a través desta actuación musical da man do grupo “Las Pamisuky”, os rapaces poderán acudir disfrazados como máis lles guste, así como desfrutar sendo partícipes nesta actuación.

A citada actividade diríxese a todas as familias con cativos comprendidos entre 3 e 12 anos e non suporá ningún custe para os participantes, posto que a actividade é totalmente gratuíta.

A festa de entroido coas Pamisuky levarase a cabo no centro Multiusos das Pozas de Mos, o vindeiro domingo 23 de febreiro ás 18:00 horas.