EU-V pide a dimisión da edil de Cultura da Coruña por ser o departamento “de maior grao de corrupción”

O voceiro do Grupo Municipal de Esquerda Unida-Os Verdes (EU-V) no Concello de A Coruña, César Santiso, esixiu a dimisión do tenente de alcalde de Cultura, Ana Fernández, por ser a área “onde se produciu o maior grao de corrupción municipal”, asegurou, en relación á ‘Operación Pokémon’.

En concreto, esta formación cita como exemplos a “contratación de persoal para festas e espectáculos da Ágora, servizos complementarios do Instituto Municipal de Coruña Espectáculos, disfraces da cabalgata de reis e o contrato do mantemento biolóxico do Acuario”.

Para César Santiso, “parece inconcibible como o tenente de alcalde mantén silencio cando ten imputado todo o seu persoal de confianza”, sinalou en relación á súa asesora, o xefe de Cultura ou persoal do IMCE, entre outros.

“Mesmo ela mesma está salpicada por presunta contratación irregular e enchufismo, o mesmo que sucede cos concelleiros dependentes da súa tenza de alcaldía”, asegurou en relación a Educación e Servizos Sociais.