Deteñen en Cangas a tres veciños de Bueu como supostos autores dun delito de tráfico de estupefacientes

A Garda Civil detivo a O.C.F., de 37 anos de idade, a M.A.S., de 38 anos e a JM.AR., de 24, o tres veciños de Bueu, como suposto autores dun delito contra a saúde pública, tráfico de drogas a pequena escala.

Dentro do marco das actuacións que a Garda Civil vén realizando para a erradicación do tráfico de estupefacientes a pequena escala, investigacións levadas a cabo por compoñentes do Posto Principal da Garda Civil de Cangas de Morrazo deron como resultado a detención, o pasado día 11, de O.C.F., que foi sorprendido cando procedía á venda de heroína ao condutor dun vehículo estacionado na vía pública.

Despois de realizar un rexistro no seu domicilio incautáronselle catorce dose de heroína así como útiles para a preparación das doses para a súa venda como unha báscula de precisión, tesoiras, coitelo e plástico.

Así mesmo e dentro do marco destas actuacións, onte día 12 procedeuse á detención dos outros dous, despois das investigacións que viñan realizado para a erradicación dun punto de venda a pequena escala que fornecía a toxicómanos  de Cangas, Bueu e Moaña.

Estas dúas persoas dedicábanse á venda de cocaína  e no momento da súa detención  incautóuselles oito  doses preparadas para a súa venda, facendo entrega, voluntariamente,  os utensilios para a preparación das doses.

Os detidos, que contan con antecedentes excepto JM.AR., quedaron en liberdade coa obrigación de presentarse nos Xulgados de Instrución de Cangas cando para iso sexan requiridos.