Desfile de disfraces escolares polas rúas da Guarda

Desfile polas rúas da Guarda

Esta mañá centos de nenos invadiron as rúas da Guarda cos seus coloridos disfraces. En torno as 12 da mañá iniciábase o Desfile infantil na Alameda cos nenos da Gardería Municipal. Tras eles continuaban os colexios das HH. Carmelitas, San Xerome,  CEIP Manuel Rodríguez Sinde, PP. Somascos e CEIP As Solanas.

Os rapaces e rapazas percorreron as rúas Galicia e Porto Rico ata desfacerse na baixada á Area Grande. Durou aproximadamente 1 hora, durante a cal puidemos disfrutar con diferentes temáticas: o parchís composto por todas as súas fichas, animadoras recén chegadas de USA, demos moi pintorescos, guerreiros etc, e sen olvidar todo aquilo relacionado co mundo do mar, pilar fundamental para a nosa vila.

Con este desfile ábrese a programación de Entroido, que continuará esta tarde coa proxección da película “O Apóstolo” ás 20.30 h. no Centro Cultural, seguidas os días próximos do cinema infantil, as verbenas e o obradoiro de maquillaxe.

 Como guinda desta programación o martes de Entroido ás 17.30h, realizarase o DESFILE-CONCURSO, no que este ano participaran preto de 200 persoas. Ademais dos participantes inscritos, todo aquel que o desexe poderá unirse ó mesmo, fora de concurso