Culleredo remite 150 correccións ao Plan de Illamento Acústico do aeroporto

O Concello de Culleredo prosegue co seu papel de apoio aos veciños incluídos no Plan de Illamento Acústico do aeroporto de Alvedro. O goberno local ha decidido adoptar un “rol activo” no proceso, servindo como referencia para os propietarios afectados, para así acelerar e asegurar o correcto procedemento ao máximo, apunta o alcalde, Julio Sancristán.

Nas reunións que convocou o Concello cos veciños, ás que asistiron máis de 300 propietarios e representantes de comunidades de edificios, o alcalde e o primeiro tenente de alcalde, José Ramón Rioboo, ademais de ofrecer toda a información do proceso, recibiron a información de diferentes erros na listaxe de inmobles incluídos nesta segunda fase.

O Concello solicitou todas as incorrecciones detectadas, incluíndo dos inmobles que si quedan dentro da envolvente, pero que non figuraban na listaxe desta segunda fase. Así, o goberno local remitiu unha listaxe cunhas 150 correccións nos domicilios e con 30 inmobles a incorporar ao Plan.

Esta celeridade en confeccionar e enviar este informe mereceu o agradecemento da oficina de xestión do Plan de Illamento Acústico. Coa información enviada, a oficina revisará o censo e remitirá de novo a carta a aqueles residentes que non a recibiron.

Ademais, os xestores do Plan informaron ao Concello de que xa comezaron a recibir solicitudes por parte dos veciños. A medida que as reciban, procederán á súa revisión e, cun número mínimo de expedientes, empezar as medicións por orde de entrada das peticións na oficina.

Os afectados dispoñen na páxina web municipal (www.culleredo.es) da información sobre a documentación que deben achegar para formar parte do proceso, así como dos pasos do procedemento.

O Concello aclara, tras recibir as preguntas de varios residentes en pisos, que nos casos de edificios só é necesario o certificado do inmoble de que é anterior ao 4 de outubro de 2010, non de cada unha das vivendas que o conforman. Así mesmo, coa licenza de obras é suficiente, xa exime de ter que pedir o certificado.

O goberno local continuará exercendo a súa función de apoiar as necesidades que teñan os veciños para que a insonorización das súas vivendas cumpra a Declaración de Impacto Ambiental e minimizar as molestias.