Cortes de tráfico nas rúas compostelás do Vilar, Pico Sacro, Escultor Ferreiro e Valentín Varela Iglesias

Por mor das obras de mantemento do enlousado, pecharase á circulación a rúa do Vilar, desde a praza do Toural ata a rúa do Franco, do 6 de febreiro ao 6 de marzo.

Así mesmo, para a realización de obras de canalización de gas, cortaranse ao tráfico sucesivamente as rúas Pico Sacro, Escultor Ferreiro e Valentín Varela Iglesias durante dez días dende o 6 de febreiro. Os desvíos estarán debidamente sinalizados e permitirase o acceso dos residentes e aos garaxes.

O Concello de Santiago de Compostela prega aos cidadáns desculpen as molestias que estas alteracións no tráfico lles poidan ocasionar.