Concello de Neda e Garda Civil ofrecerán consellos aos maiores en materia de seguridade

O local da asociación de veciños de Anca acollerá este xoves, 20 de febreiro, a charla “Prevención e Mellora da seguridade dos nosos maiores”. Con entrada libre e gratuíta, dará comezo ás 18 horas e forma parte do programa “Maior Seguridade”, que promove a Secretaría de Estado do Ministerio do Interior en colaboración cos concellos.

Deste xeito, persoal formador da Garda Civil ofrecerá información aos maiores dos riscos que constitúen unha maior ameaza para a súa seguridade e as medidas de prevención dos mesmos. Trataránse temas como o maltrato das persoas maiores no seu ámbito familiar, residencias…; medidas de prevención de roubos nos seus domicilios; para a prevención de tiróns, furtos e roubos no entorno das entidades financieras, ou accións de prevención de estafas e do uso fraudulento das súas propiedades, fondos, cartos e cartillas de aforro por parte de terceiras persoas. Ao mesmo tempo, trátase de fomentar a confianza das persoas maiores nas Forzas e Corpos de Seguridade e desenvolver conductas proactivas para a denuncia das situacións e delictos dos que poden ser vítimas.