Cociña creativa de Entroido no Centro Comercial Arousa

O Centro Comercial Arousa acollerá o vindeiro xoves 27, a partir das 20:00 h. e na segunda planta, Cociña de Entroido, un novo curso onde os asistentes aprenderán a achegar un toque de creatividade á tradicional e popularmente coñecida receita das filloas galegas, tanto en canto aos ingredientes como na súa presentación.

Os participantes coñecerán os segredos para elaborar unha perfecta e fina masa de filloas, tanto na súa versión doce como salgada, da man da chef e experta en alimentación e nutrición Marian Rodríguez.

Os ingredientes tipicamente galegos estarán moi presentes no catro exquisitas propostas que se exporán no curso. Para abrir boca prepararanse dúas filloas salgadas: unha de millo enche de lacón con grelos e chips de chourizo, e outra de ventresca de atún con queixo teto e cebola caramelizada. Pensando na sobremesa prepararase unha suxestiva filloa negra de cacao enche de mousse de chocolate e outra rechea de crema de cebreiro e toffee de crema de bagazo.

As receitas do taller, de carácter gratuíto e de acceso libre até completar aforamento, poderanse consultar na páxina web do centro www.ccarousa.com e en Facebook http://www.facebook.com/ccarousa ao concluír cada sesión.