Castrelo de Miño acolle a Feira do Aceite de Oliva de Ourense
O día 23 de febreiro no Parque Náutico volve a Feira de Castrelo.
Na Feira de Castrelo deste mes de febreiro, que se celebra este domingo día 23, haberá exposición, información, degustación e venda do aceite de oliva de Ourense, dándolle continuidade á Xornada informativa sobre alternativas agrícolas e forestais que terá lugar o venres 21 de febreiro ás 20:00 horas no Salón de Actos do Albergue.
E como xa é habitual no recinto feiral do Parque Náutico haberá:
– Máis de 100 postos de comerciantes con todo tipo de Produtos (roupa, calzado, libros, musica, pan e doces, froitas e hortalizas, sementes e viveiros, charcuteria, produtos de alimentación, produtos para a horta, a viña, e a adega…)
– 25 postos de produtos naturais e artesanais de Castrelo de Miño.
– Festival gastronómico cuberto para máis de 500 comensais.