Barroso visita o CEIP Lamas de Abade

Esta mañá, o xogador do Santiago Futsal Jorge Barroso acudiu ao CEIP Lamas de Abade, onde visitou a máis de 50 nenos e nenas que se xuntaron para escoitar as experiencias do xogador melillense. Barroso explicou aos pequenos como chegar a converterse nun xogador profesional de fútbol sala, falándolles ademais da importancia de manter uns hábitos de vida saudables.

Os alumnos e alumnas do centro aproveitaron a visita para preguntarlle sobre os seus compañeiros, as súas afeccións ou sobre os seus goles no equipo. Barroso contestou a todos os asistentes e asinou autógrafos, fotografándose ao finalizar a charla con todos eles. Para terminar, Barroso convidou os alumnos e alumnas do centro ao próximo partido de liga do Santiago Futsal, que será o vindeiro venres 14 de Febreiro ás 21h ante Montesinos Jumilla, e no que o Santiago Futsal xógase continuar entre os 8 primeiros ante un dos seus rivais máis directos.