As unidades móbiles recolleron 3.740 doazóns de sangre nas campañas de 2013 en Citroën Vigo

As campañas de doazón de sangue desenvolvidas no ano 2013 polo Centro de Transfusión de Galicia (CTG) nas instalacións de PSA Peugeot Citroën en Vigo concluíron con 3.746 achegas.

Segundo informou o CTG, dende o ano 1995, a factoría viguesa de PSA acolle as campañas de doazón de sangue que promove a Consellería de Sanidade por medio do Centro de Transfusión de Galicia, “converténdose nunha das empresas españolas con maior número de doazóns de sangue”.

Así, subliña o CTG que dende a primeira campaña desenvolvida no ano 1995 –con 281 achegas– ata a actualidade, Citroën en Vigo suma 49.375 doazóns de sangue recollidas.

“A constante colaboración de PSA Peugeot Citroën de Vigo e a súa especial sensibilidade a favor da doazón de sangue facilitou que, dende hai case dúas décadas, as doazóns recollidas nesta empresa viguesa permitiran realizar máis de 24.600 intervencións cirúrxicas, transfundir plaquetas a máis de 9.800 enfermos oncológicos e lograr máis de 12.300 litros de plasma que permite a obtención de medicamentos para moitos pacientes”, resaltou o CTG.

Por iso, o Centro de Transfusión de Galicia resalta o seu “recoñecemento” a Citroën Vigo “polas facilidades que, dende sempre, mostrou para poder desenvolver as campañas de doazón de sangue”.