Arrancan os traballos de acondicionamento de praia de Riazor

Os traballos de acondicionamento da area da praia de Riazor, na Coruña, arrancarán este luns para solucionar os danos causados polos últimos temporais na zona, tal e como informou o Concello da cidade.

En concreto, a actuación, avalada polos técnicos municipais e de Demarcación de Costas do Estado en Galicia, ten como principal labor evitar a invasión de area nos viais e zonas peonís do paseo marítimo. Así, este novo perfil provisional na praia estará colocado ata o mes de maio, cando se prepare a praia para garantir unhas óptimas condicións de uso durante o verán.

Deste modo, os traballos consistirán en separar a area amontoada polos temporais a unha media de 10 metros da liña do paseo marítimo, creando un espigón de area provisional a cota máis alta da cal coincidirá precisamente coa cota do paseo.

Entre o novo perfil de area e o paseo marítimo, que estarán separados por 10 metros de lonxitude, a area terá unha profundidade que vai dende un metro na zona da praza de Portugal e a avenida de Bos Aires ata os 1,5 metros xunto á Coraza. A previsión é que os traballos que arrancan mañá poidan rematarse, aproximadamente, nunha semana.